Novas

UN MODELO DE SOCIEDADE DO COÑOCEMENTO

Enlace ó artigo da Voz de Galicia, pulsar aquí.

MANIFESTO SOBRE OS PROBLEMAS DESTE VERÁN DA ATENCIÓN PRIMARIA

No contexto dos problemas que este verán se están dando na Atención Primaria do SERGAS, o Consello Galego de Colexios Médicos quere manifestar o seguinte:

1) O seu máximo recoñecemento ao labor dos médicos e profesionais sanitarios que en situacións de sobrecarga en demasiados momentos, están a dar unha resposta asistencial de calidade e compromiso cos pacientes.

2) Aínda que é certo que existe escaseza de médicos, esta non pode ser a única resposta da Administración aos problemas e demandas. Durante estes anos desde os Colexios, Sociedades Científicas e outras instancias fixéronse propostas para diminuír estas carencias que non foron tido resposta.

3) Ademais, desde a Dirección de RRHH do SERGAS non houbo nin hai unha reacción suficiente para tomar as decisións e medidas necesarias para fidelizar e atraer aos novos especialistas, nin para aproveitar ao máximo os recursos dispoñibles con ofertas razoables aos médicos en persoal, que permitan a máxima cobertura posible nos dispositivos asistenciais tanto en actividade ordinaria como urxente.

4) Sen cambios rápidos e contundentes na política de RRHH que transcendan as barreiras administrativas -que nunca poden estar por encima das necesidades reais- os problemas na Atención Primaria de Galicia multiplicásense a curto e a medio prazo. Outras CCAA do Estado están a implementalos xa.

5) O Consello Galego de Colexios Médicos volve porse a disposición da Consellería para achegar propostas e participar nun plan urxente que permita a sustentabilidade e o mantemento da calidade asistencial na A.P. de Galicia.

NOTA INFORMATIVA

O Colexio de Médicos da Coruña mostra a súa satisfacción pola sentenza do Tribunal Supremo que acredita a colexiación obrigatoria promovida de oficio.

A sentenza do alto Tribunal do 18 de xullo pronúnciase, (ver ligazón) ante o recurso de casación interposto pola Xeneralidade Valenciana tras unha sentenza ditada polo Tribunal Superior de Xustiza o 9 de marzo de 2017, que validaba por primeira vez a medida de colexiación obrigatoria forzosa exercida por un colexio profesional, neste caso, polo Colexio de Ópticos Optometristas da Comunidade Valenciana.

Para o Colexio de Médicos da Coruña esta sentenza vén reforzar a seguridade dos pacientes, que terán a garantía de ser atendidos por unha persoa que está a exercer legalmente a profesión. Ao mesmo tempo, a decisión do Tribunal Supremo reafirma a corrente de opinión defendida pola corporación colexial, que entende que non existen excepcións á colexiación obrigatoria no exercicio da profesión.

A función dos colexios profesionais como servizo público, vese de novo reforzada ao protexer os intereses dos pacientes velando pola súa seguridade, ao mesmo tempo que garante a capacidade do colexio para evitar o intrusismo profesional.