ROSA ARROYO, MEDALLA DE OURO E BRILLANTES DO COLEXIO MÉDICO DA CORUÑA

• 

Categoría: Novas

Publicado o Xoves, 04 Mai 2023

Escrito por Administrador

A Xunta Directiva do Colexio Oficial de Médicos da Provincia da Coruña decidiu, por unanimidade, a proposta da Comisión de Honras e Premios, conceder a Medalla de Ouro e Brillantes da institución á doutora Rosa Arroyo Castillo, unha facultativa “excelente, solidaria, comprometida co profesionalismo médico, firme defensora da medicina baseada na evidencia e oftalmóloga de recoñecido prestixio”, como recolle a acta de concesión.

O galardón seralle entregado no transcurso do XV Encontro Médico, que se celebrará o próximo 17 de xuño na Facultade de Medicina de Santiago de Compostela.